外媒揶揄：英國治港更好

【本報訊】國際傳媒繼續關注本港特首高官醜聞，日本《每日新聞》等詳盡報道各界狠批曾蔭權及唐英年，《華爾街日報》更形容「英女皇是香港人民心中的紅太陽」，因回歸前公務員隊伍廉潔有效率，現在官員屢遭詬病偏袒權貴，只因特區政府面向的是「貪污嚴重及濫權的一黨政權」。

需靠民主政制解決問題

《華爾街日報》昨發表題為《香港在英國 統治下更好》的評論，提及唐英年僭建事件，引述 97年回歸前《遠東經濟評論》編輯 Derek Davies的一篇文章。文章指英國委派的官員雖倨傲，但樂意回應公眾意見，只因他們要向民選的英國政府負責，港英政府若管理殖民地不善，會遭英人指責。
文章說當年高官退休後多返英國，甚少受誘惑效忠本地權貴，政府也給予長俸及勳銜，所以地政部門的高官毋須擔心政策得罪發展商，令兒子將來找不到工作。
文章說，港府回歸前後都不是民選，但回歸後面對的卻是貪污嚴重及濫權的一黨專政，首任特首董建華及被欽點為下屆特首的唐英年都來自營商的上海幫，許多惡果均由此而來，包括土地政策常被批評偏袒地產商等；只有民主政制，才能解決現有問題。
日本《每日新聞》報道曾蔭權享受權貴富豪之旅，引述本港輿論質疑曾蔭權有濫權受賄之嫌。英文《澳門每日時報》大字標題指曾蔭權澳門之旅弄得自身「水深火熱」。 url

點解香港人喺英國治下會更好

Posted on February 24, 2012 by martinoei 黃世澤

Hugo Restall: Hong Kong Was Better Under the British
對於中大學生報班，做緊同名古屋現任市長一樣嘅事嘅編輯，實唔信英國公務員會因本身無民意授權，同埋異族政權嘅緣故，喺香港拼盡老命。
呢啲友仔唔知英國人，同中國人最唔同之處。英國人對責任，以及合法性嘅重視，同中國人係唔同。
歷史為異國盡忠職守嘅英國人唔少，最經典例子，係中國海關嘅奠基人Robert Hart，佢雖然係英國籍人，但佢以佢係大清帝國官員為理由，拒絕英國委佢擔任駐華公使職務，喺參與《辛丑條約》談判果陣，竭力捍衛大清帝國利益，而唔係 大英帝國。因為英國注重係你喺崗位之上，就得為服務對象竭盡全力。
另一樣英國人注重係合法性，英國政客或者係卑鄙，但英國始終以國會無上論為立國基礎，國會無上論嘅基本係，無民意授權，You are nothing。所以英國人喺香港無法推行民主之好(阻頭阻勢正係中共)，仍然設立各類諮詢組織，甚至七十年代香港電台有烽煙節目，城市論壇等等，諮詢政 策又Green Paper又White Paper，格式同英國本土相若，都係要令政府施政盡可能得到民意認受性，呢個係英國人嘅哲學。
唔好話第二樣嘢，小弟讀中大期間，屬會室分配制度改革，小弟選擇以諮詢文件方式諮詢，部分條文列明必須要由聯席會議通過，因為當時代表會唔係民選，無選票授權，所以一定要得到有選票授權嘅機關同意重大條文。呢個邏輯，就係英式邏輯。
中國人？有權大晒囉，否則點會出現曾蔭權爵士呢類令香港蒙羞嘅hihi。過往中大代表會可以亂政，正係有權可以亂嚟嘅中式邏輯作怪。英國人會問做一件事係Just定Unjust，但中國人係唔問呢個問題。
url

香港嘅黑暗時代

Posted on February 23, 2012 by martinoei 黃世澤

依家香港政治，一定係黑過墨斗。
1.曾蔭權一定要拉佢落台，佢條友將香港嘅廉潔聲譽敗清光，俾佢繼續做仲成世界？依家唔係佢仲有幾多任期嘅問題，而係佢做落去，等於容忍貪污，香港最大嘅競爭優勢就此玩完，以後邊個信ICAC？咪玩喇。
2. 唐英年上嚟亦一定無乜人服（但佢係less evil嘅人選，因為佢夠膠，乜嘢邪惡嘢都無能力執行，呢個係現實政治考慮），但亦唔一定要支持梁振英，因為呢幾日嘅爆料手法，令我諗起係FBI嘅 John Edgar Hoover（胡佛），胡佛任內嘅COINTELPRO，雖然反共有功，但秘密搜集政客檔案要脅他人嘅做法，成為FBI歷史上超大污點，而佢依家學胡佛， 簡直係香港自由民主一大威脅，加上條友支持鄧小平北京大屠殺上殺人，梁振英上台等於搞掂地產霸權，傻啦，梁振英後面乜人領導呀。信佢同信銀英傳裡面果面魯 道夫大帝有乜分別？依家佢毒辣，我諗佢上台後仲毒辣多十倍咁。講咗第n屆唔選咁耐，依家終於可以出嚟，屈咁耐心理有無變，我唔敢包。
雖然我認為，如果泛民夠團結，可以叫何俊仁退，由陳方安生出戰，我相信陳方安生出戰係最大公約數，但你睇呢鋪挺梁名單裡面，民主派嘅無間道出晒嚟， 最離譜係公民黨嘅吳永順，同埋民主黨嘅熊永達，乜呢兩條友咁恨做隻狼之下嘅官咩？咁唔團結下，我覺得人格最乾淨嘅何俊仁，係明知係廖化都侷住挺佢上。
url