bloggerads

Search This Blog

3/25/2012

香港淪陷: 有人準備入獄有人決定移民 豺狼當道全城恐失自由

有人準備入獄 有人決定移民 豺狼當道全城恐失自由

【本報訊】人擁有「免於恐懼的自由」( Freedom from fear),但自從梁振英昨午當選特首那一刻開始,香港人恐怕會逐漸失去了這種自由。
豺狼當道,全城驚恐,民主之父李柱銘預了被清算、 80後社運人士王浩賢準備好書單,準備日後在獄中閱讀、商界人士怕了他的民粹,還是創作人畢明教路最實際:「搵定景鴻移民顧問」。
記者:王家文、許偉賢、黃偉駿

新聞自由小如劏房-畢明

「我好驚呀,我真係好驚呀,我最驚人無禮貌同埋 cut電話囉。」壹傳媒集團創作總監畢明(圖)毫不掩飾「懼」狼之情,無它,因為她試過被「狼」咬。
早幾年,畢明一度擔任《蘋果日報》李八方版的版主,每天以嬉笑怒罵的方式,「惡搞」政圈中人; 99.9%「被惡搞」對象看畢後一笑置之。
放大圖片
示威人士在場外與警員展開衝撞。 王子俊攝
12345678910
放大圖片
會場外,示威者舉起不要狼及香港人做主的標語。 陳奕釗攝
12345678910

致電報社鬧完收線

「有日收到佢(梁振英)嘅電話,話我哋好做篇咁嘅文章;我話我放假噃,真係唔清楚,要去了解先,但對方當時係咁鬧咗一輪後就 cut咗線。」翻查資料顯示, 07年 9月 20日的李八方,曾報道有市民目擊梁振英到日本旅行時,疑似夾硬走優先通道。
畢明向同事了解後發現,曾就事件向梁振英助理查詢,但對方堅持不評論,「佢哋話 no comment嘛,我哋都出晒啦;點知佢(梁)再打嚟,我話畀佢聽嘅時候,佢又再鬧完一輪之後就收線」。
畢明治下的李八方版,被惡搞人多不勝數,「我都無收過任何一個人打嚟鬧我囉」,惟獨梁振英。
見 微知著,畢明諷指梁振英時代,「應該會有劏房咁『大』嘅新聞同創作空間」,「我係唔相信佢會畀新聞自由,因為佢喺啲咁輕微嘅情況,都粗暴打嚟干預,即係以 後真嘅、假嘅,統統都唔寫得囉。」豺狼當道,對熱愛創作的港人有甚麼溫馨提示?「搵景鴻移民顧問啦,搵個我最想住嘅地方。」

管城大三年雞犬不寧-謝永齡

如果要分享被梁振英鐵腕管治的恐怖經驗,城市大學工會主席謝永齡(圖)應最有資格。梁振英做了城市大學校董會主席三年,謝永齡因批評校政,收過董事會三封律師信,連工會會址也被校方迫遷。

寄語港人好日子已過去

放大圖片
謝永齡
12345678910
梁振英於 08年 10月出任城大校董會主席,去年 10月參選特首離任。謝永齡說,梁振英將管治城大視作個人表演舞台,但外行管內行兼鐵腕管治,將城大弄得雞犬不寧。
謝 永齡憶述,梁振英到任後第一次與工會會面,即明言要「整頓城大」,之後推出一系列厲行改革,包括在毫無諮詢下,單方面將教職員的公積金退休制度,改為每三 年一次的約滿酬金,「校方冇慳到錢,但就可以透過控制合約年期,對付唔順眼嘅教職員。」情況一如梁於 03年企圖打壓商台續牌。
梁振英又成立查數小組,調查教職員在校外的兼職申報有否錯漏,不少教員被指申報有遺漏而遭調查,其中兩人懷疑因為承受太大壓力,過去兩年先後病逝。謝永齡批評梁振英「西九咁大件事冇申報利益,佢可以一句唔知道就置身事外」。
謝永齡形容,梁振英不尊重民意代表,也不尊重言論自由,預期他上台後,先會整頓香港電台。他寄語香港人,自求多福,要團結維護現有的核心價值,「因為好運嘅日子已經過去。」

民粹主義嚇怕了商界-林健鋒

梁振英未上場,商界已經怕得要死,撤資論開始湧現,彷彿香港不再有良好營商環境。「其實商界好簡單,我哋想睇到往績、想睇到處事方向,但係梁振英喺呢方面,對我哋嚟講係個 question mark(問號)。」

經濟變壞難化解危機

放大圖片
林健鋒
12345678910
在立法會代表香港總商會的林健鋒(圖)指,在全球經濟惡化情況下,香港不可能獨善其身,但梁振英過往少談經濟政策,身邊亦似乎缺乏在經濟問題上有獨到遠見的人。這位商界人士很擔心,香港情況一旦變壞,梁振英以致其班子亦未必能及時化解危機。
最 令商界憂慮的,可能是梁振英的「民粹主義」。林健鋒指,「社會需要平衡」,但商界所見的梁振英,倡議的政策卻有濃厚民粹色彩,如大量興建公營房屋壓低樓價 以及種種滅貧措施,他不諱言:「商界唔係唔支持搞福利,但如果政府係不斷咁推出帶有民粹色彩嘅社福政策,香港遲早守唔住。」他更指國際投資者更關心香港的 環境是否自由,若梁振英上場後未能捍衞本港的核心價值,不排除令外來投資者卻步,影響本港在國際上的聲譽。

鐵腕治港社運路難行-王浩賢

社運界有則黑色笑話,當「梁振鷹」遇上「曾禿鷹」,兩鷹相遇,從此鴉雀無聲。靠中聯辦脅迫選委支持,梁終當選傀儡特首,與土共聯手以「維穩」手段治港。當笑話不再,當噩夢成真,社運人士王浩賢(圖)表示,已做好入獄準備,近日選定在獄中閱讀的書單。

預咗被清算坐監

放大圖片
王浩賢
12345678910
民間人權陣線警權組成員王浩賢近日不斷凝視家中書架,預期梁振英日後上場後,清算社運人士將不再是天方夜譚,所以他打算選定書本,日後帶進監倉閱讀。
王 被控去年六四晚會後非法集結等罪,今年 6月開審。警方去年八次以《公安條例》拘控遊行集會人士,拘捕 440名示威者,他說今後打壓社運只會越見厲害,「用胡椒噴霧已經係常態,第時會唔會出到警棍呢?甚至學梁振英話出動防暴隊」。判處刑期料會更長,「家 都係以星期、以月計,遲啲絕對有機會以年計」。
王浩賢希望自己是杞人憂天,但現實告訴他,梁振英曾歌頌下令血洗天安門的劊子手鄧小平,說要頒發諾 貝爾和平獎給他;又變臉不肯平反六四,「從佢嘅言論或神態,係會有呢個憂慮」。梁振英掌權,王首先想到是 23條立法,「佢會用好強硬手段去推,香港人去到呢一刻真係要團結」。
王浩賢說,近年社運界出現激進及溫和兩派分歧,讓政府有機可乘,拘捕示威者,收窄社會討論空間,「當 23條立法,香港人仍因為旁支而鬧分歧,梁振英就可以好快推倒香港嘅核心價值」。他寄語港人要包容團結,「家嘅敵人係更加強大,越來越惡」。

「佢定會出手對付我」-李柱銘

1989年後被中共視為「眼中釘」的民主黨創黨主席李柱銘(圖)預計,梁振英當選特首後會出手對付他,「我係頭幾個佢(梁振英)要搞嘅人。」但他相信市民不會任由梁排除異己而坐視不理,「市民會睇到,你搞完第一個、再搞第二個,市民就會出聲」。

中聯辦高度干預港事

放大圖片
李柱銘
12345678910
李柱銘接受訪問時直言,不少朋友「好驚梁振英」,「唔剩止法律界,我有好多係普通市民嘅朋友,都好驚梁振英。」
但李柱銘相信,梁振英不會一上場就露出狼相針對異見人士,「頭一年佢唔會郁手嘅,等佢坐定咗先郁手都未遲。」李又相信梁振英一定會對付泛民主派,他認為泛民要有心理準備,應付將來困難日子。
至於梁振英會如何「搞」泛民及異見者?李柱銘相信梁日後會用中聯辦做「打手」,「唔使佢做,搵中聯辦出手搞你就得。」
李 柱銘認為未來五年,中聯辦一定會高度干預香港的內部事務,這才是「更加得人驚」的事情,「家佢(梁振英)仲未當選,(中聯辦)已經打電話畀傳媒老闆,第 日佢做埋特首,中聯辦仲唔係更加惡?」李柱銘相信,梁振英一定會縱容中聯辦破壞香港核心價值,「佢(中聯辦)捧你(梁振英)上去做特首,你敢唔聽話咩?」

防地下黨員世襲特首-梁慕嫻

香港人打定輸數,就是梁振英的勝數。前地下共產黨員梁慕嫻(圖)談到梁振英當選特首後的香港命途,她說很心痛:「冇諗過你哋個個都打咗輸數」。她又痛斥梁振英這地下黨員欺騙了香港人,博得高民望,讓土共直接插手施政,一國兩制未行到一半,已宣告死亡。

做好被鎮壓打算

放大圖片
梁慕嫻
12345678910
梁慕嫻的友人曾經勸她,一旦梁振英當上特首便棄筆歸隱,再披露地下黨員滲透也是枉然,「真係好憤怒,咁唔公義嘅事出現,港人好似無能為力,覺得好難受」。
梁慕嫻重申,梁振英曾任基本法諮詢委員會秘書長,這職位只會由共產黨員出任,梁地下黨員身份昭然若揭,但仍死口不認,愚弄港人,「欺騙到個民調可以咁高,係好唔正常」。
梁慕嫻並非憂慮梁振英這個扯線公仔,而是在他背後擔當「太上皇」的政治勢力,任由黑變白,「將地下黨會議嘅決議,擺上行政會議通過」,一國兩制變空話。
她說港人日後上街反抗暴政,要做好被鎮壓的最壞打算;悼念六四晚會也會慢慢被蠶食,「梁振英唔係一個人,係代表地下黨,代表黨中央背後一個強大嘅專制力量」。
已移民加拿大的梁慕嫻這次返港,表明要反對地下黨員當特首,離開後就不會回來。她說梁振英當選開了極壞先例,往後可能由地下黨員「世襲」,「真係要睇港人嘅智慧,睇到港人得到乜嘢教訓,防止 2017年普選被扭曲」。
那些年她看見港人在大事大非上都有堅強意志抵抗頑強專政,但今後會艱難得多,「我仍然係樂觀,相信香港人可以做得到」。