bloggerads

Search This Blog

3/16/2012

唐英年逆取首級

唐英年逆取首級



點解梁振英搞到流汗,因為唐英年大爆梁振英2003年要求防暴隊鎮壓反23條市民,以及縮短商台牌照年期來令鄭經翰、黃毓民封咪。唐英年做咗日本武士,傷痕纍纍嘅情況下,照樣攞刀去逆取首級。
呢鋪逆取首級,唐英年無諗過做特首,但梁振英依家咁搞法,亦唔駛旨意做特首。而梁振英亦無諗過,會出現一個逆取首級嘅唐英年,因為唐英年一個咁嘅公子哥兒,照道理係唔會有政治意志出逆取首級呢招。要逆取首級,強大嘅意志係必不可少。
依家全香港人要追梁振英J數,如果行政會議唔解密文件,2003年爭啲要血洗中環,同埋黃毓民、鄭經翰封咪真相,係要引用《立法會(權力及特權)條例》,捉邊個係大話精。作為前商台研究員兼《風波裡的茶杯》獨立監察員,我絕對有理由,要求梁振英俾番一個交代。