「雙非」大肚婆問題已經變成另一個隨時爆發的計時炸彈, 習慣做「消防員」的政客政團近日才紛紛出籠
主張釋法的有新民黨, 自由黨
要求修訂基本法24條的有新民主同盟, 民主黨
公民黨的態度相當曖昧
社民連未發表任何立場
民建聯繼續表示關注及跟進, 極其量要求針對中介公司作出打擊
在下相信嚟緊嘅爭拗會集中於「釋法」vs 「修憲」(基本法係一部憲法, 用修"憲" 係無錯)
兩者之間到底有何分別? 在下不作技術性分析, 而以市民角度去分享
「釋法」的好處係快, 符合市民嘅期望。而且嚟緊三月就會召開「十八大」, 可以同時處理, 真係快過打針!!
但「釋法」會好大風險, 而且有嚴重的後遺症, 仲隨時後患無窮
「釋法」係純粹由人大進行, 按照常委們的主觀意去處理, 唔需要考慮香港人嘅弱小心靈到底想點。劉健儀同葉劉淑儀等支持釋法嘅走狗, 夠唔夠膽「人頭摶芋頭」, 保證「釋法」結果係完全堵截「雙非」先好繼續講嘢!!
就算俾呢兩個女人「人頭可保」, 撇除「釋法」呢個動作是不符合憲法 (基本法第158條), 採取「釋法」即係確定香港嘅管治權响晒中共手中, 咁仲要份《中英聯合聲明》做乜春呀, 不如宣佈香港成為直轄市, 每年要上繳中央!
至於「修憲」, 其實係根據基本法第159條的規定, 由行政長官响人大提呈要展開修改程序
整個程序由提出草案之後展開咨詢, 即係香港人話事, 想點改就點改
咨詢過程中亦同時係「捉鬼行動」, 啲大中華民族主義份子、中共殖民幫凶嗰啲友仔, 一係潛水一係現形
(今年車公大元帥嘅指示真係準到!!!)
傾好晒就交返俾立法會同人大通過實施
大概最快需要花6-9個月時間, 還要看曾蔭權爵士或者唐英年/梁振英 會唔會即時做嘢
無錯, 唔係即刻, 但主導權响香港人手上之餘, 亦所有事情合理合憲
至於中共俾唔俾嘅問題, 在下認為不用思考太多。就是合理合憲也不准的話就可以大叫「中共殖民香港管治」以使中共面對台灣人民大出洋相, 亦使香港向外求援來得更合情合理。
修憲就是在時間上與市民的期望出現落差, 這是無可奈何的
但要避免前段嘅風險危機, 這些代價是要付的, 也值得付
面對時間的空隙, 當然要採取非常手法去阻止雙非孕婦, 甚至衝關的
但不要採取不合法甚至暴力手段, 始終有傷甚至亡都唔係好事
可做的包括：
1. 希望由在下開始, 每一個香港人都向所有醫院呼籲：立即停止所有父母非香港人的分娩床位預約
對好多私家醫院嚟講, 即係「斷佢哋米路」
仿傚十幾年前一套電影《流氓醫生》梁朝偉質問杜德偉咁去問佢哋：
你哋到底係經營一所醫療機構
定一個二個只係做醫學經紀
2. 要求入境處增加人手, 堵截各邊境口岸, 阻止「雙非」孕婦過關
啲左膠唔好話「不人道」。佢哋响大陸一樣可生架! 唔好話「一孩政策不公義」, 不公義係大陸嘅事, 做乜要由香港社會「找數」!!
各位市民更要為入境處前線人員打氣, 佢哋的確充滿怨言, 但仍繼續盡忠職守
但真係頂唔順要罷工的話, 建議參考黃世澤兄早前的提議 -- 如何搞一場保證市民支持嘅罷工
3. 「搓奶勤」話應該針對中介公司, 唔係唔啱, 但並不全面
須知道「雙非孕婦」係一個產業鍊, 中介公司只係其中一環, 涉及的更有多個層面, 就過去的報導就有「待產宿舍」與及協助闖關掛有中港車牌私家車。在下近日發現有人响FACEBOOK 搞咗個PAGE 出嚟
舉報協助雙非孕婦闖關人士、車輛、組織
雖然佢哋嘅經營並不一定是違法, 但如果把這個產業鍊曝光, 佢哋其實都幾頭痕
甚至乎正如個專頁嘅簡介, 佢哋的確出賣緊香港人
更見有網友留言有可能有違法事情, 例如逾期居留等等, 這便更「好玩」了
請不要埋怨這些事本應是政府去做, 3月25日新一任特首選出之後, 曾蔭權擺明就「收爐」架啦
與其等呢啲廢柴去救, 不如自求。反正也不是甚麼複雜事情。
一句講晒, 正路去走才是香港的出路。全香港人, 大家一齊辛苦少少捱埋呢個關口
以中共嘅邏輯, 夠惡就會縮。係時候集結香港人的力量, 去惡返轉頭了
url
