bloggerads

Search This Blog

2/24/2012

自由黨撒餌粉, 大家千祈咪上釣

甚麼是餌粉? 有玩開釣魚的都知道的
就是一些魚餌研成粉末, 撒落水面以吸引魚群游近, 釣魚人然後才落鈎, 這便可以增加成功釣到魚的機會

那自由黨又撒甚麼餌粉呢?
《明報》2012-2-24 劉健儀﹕反對南下支持北上自駕遊

....通過與不同的市民接觸,我發覺市民並不是一面倒地反對自駕遊,不少人其實不反對港人北上廣東自駕遊,反對的只是內地人南下香港自駕遊。自由黨也認同這種看法.......
在會上,我支持了在無綑綁情况下,先推行首階段(即北上)計劃,在檢討成效和獲得社會共識後,才推行第二階段(即南下)的動議,動議獲得了與會者大比數贊成通過。

有留意「粵港自駕遊」計劃的新聞的都知道, 政府一直只強調現階段只先試行「港車北上」而「粵車南下」仍未有時間表
表面睇即係普遍香港市民擔心嘅大陸車來港將未有落實的具體時間, 但稍會用腦袋思考的都會知道, 就是先放香港車上大陸代表著中共叫曾蔭權放大陸車來港時, 就可以大叫「放得你哋香港車上去, 唔俾放大陸車落香港, 唔公平喎」
到時就全香港攬住一齊咯

劉健儀支持「港車北上」, 又話好多香港人好希望揸車上去玩, 咁即係好似撒餌粉引魚咁, 吸納嗰批好想揸車上大陸玩嘅人, 形成一個「港車北上」得到支持嘅局面;不提「粵車南下」不過是同自己買一個政治保險, 等中共叫放大陸車來港時, 可以置身事外, 不過又為中共開路。劉健儀同自由黨呢招都可謂賤到無人有!

總之一句講晒, 「粵港自駕遊」是絕對不能啟動。香港人想返大陸揸車去玩, 深圳大把合法租車公司選擇, 普通一架1,600cc 私家車連保險都係RMB300 一日, 7人MPV 都係RMB 6-700一日, 駛乜揸住架香港車上去搵名摶吖!!
url