由2月19日，銅鑼灣嘅反自駕遊遊行開始，香港政治將會係最風起雲湧嘅一個月。
首先，自駕遊同港中關係將會激戰連場，2月19日反自駕遊遊行，2月29日將會係立法會Panel Meeting，一定打到火花四濺。我自已都喺2月19日去香港電台錄影《放馬過來》，講正係港中關係，呢個係一個戰區。
之後，未來香港各方面政治精英，或多或少將捲入特首大混戰，特別喺習近平返京前後更甚，依家乜事都會發生，仲未計會唔會喺選舉期間，有其他膠事或怪招出現。
呢一個月，將會好唔得閒，而且特首選戰後，未必係結束，如果要玩到重賽，甚至特首難產，亂局將會維持一段長時間。總之，有排唔得閒。url
