連Maggiemarket劉馬仔都谷成咁，大家可以想像，中國班友已經挑戰緊全香港大部分年青港女嘅接受程度，平日唔講政治都鬧爆政府。
依家香港好似核反應堆冷卻系統失靈，但香港政府班硬膠嘅反應速度，就好似東京電力班高層一樣咁慢，咁最後搞乜膠出嚟，大家有眼見。
而我估，好快中年嘅師奶，都會加入戰場
黃生，葉雅媛呢位過氣主播離婚，關我叉事咩。
對我咁嘅年齡嘅人，可能無睇過葉雅媛報新聞添，但葉雅媛離婚係因為上海二奶介入搞出嚟，你俾一個肯定知道葉雅媛乜水嘅四十至六十歲女人睇，葉雅媛大好幸福家庭，她又係八十年代新聞界公認靚女，都搞到咁，再睇下面高登仔張海報，你唔加入戰團？
總之依家已經出現政治核事故，由年初一出現「大69」塗鴉到依家，事態發展之快，已經遠超出大家想像。但可以肯定係，班唔知乜事嘅人，由特膠政府、民建聯、社運大中國左膠等等，已經可以講係準備game over。
