選舉越嚟越黑過墨斗

Posted on February 27, 2012 by martinoei 黃世澤

爽報：何俊仁寓所大廈被淋紅油
好多傳媒都漏咗呢單新聞，我唔明點解可以忽視呢單新聞。
天后飛龍台唔係三教九流住宅區，相反，係中上住宅區，無喇喇有黑幫淋紅油，唔係衝住何俊仁而嚟，又係乜？
我發現警方對何俊仁嘅保護極度不足，陳景輝喺梁振英面前示威差佬擋住晒，相反，上鋪人民力量衝擊何俊仁，我唔見警察拉人或擋住。而呢鋪仲離譜，紅油都出埋嚟。如果有人買起何俊仁，咁選舉諗住點處理？何俊仁之前，都被歹徒打到變豬頭。
當曾鈺成都收兩次電話，聲稱自已無黑材料，咁仲有乜事唔可以發生。