反自駕遊 (轉載)

自駕遊是什麼一回事？
好像橫空出世，沒什麼人知曉。其實事件始於去年八月，特首曾蔭權與廣東省長黃華華在粵港聯席合作會議中共同公布的計劃，今年三月實施第一階段，香港 車可以北上廣州。當時沒有多少人質疑，因為大部分報道都只單方面講及香港車可以駛去廣州，沒有觸及第二階段內地車可以來香港的問題。於是，有點事不關己的 感覺。香港人一向只顧經濟，忽略社會很多問題，這已經是常識。有時候，什麼蟲，什麼孕婦，都非要到臨界點將近爆發的時候才猛然醒覺。自駕遊正是伴隨著這種 紛圍才受到關注，甚至引起恐慌。
其實，不單是內地車會不會駛來香港的問題。即使是香港車駛進內地，有理智都人都知道是危險的，不可行的。兩款完全相反的車輛，兩套完全相反的道路系 統，兩地完全不一樣的駕駛文化，最安全謹慎的做法是香港人要駕內地的左軚車必先再考牌，內地人要來港駕右軚車也要考牌，豈能因為經濟原因，什麼融合原因， 就讓左軚車在左上右落的路面出現，右軚車在右上左落的路面飛馳？
這比起強迫香港人廣州人捨棄普通話更無稽。民族主義與文化主義應該放哪一個在前面，還可以辯論、商榷，經濟理由也可以叫文明的人忍耐一些不文明的問題，但安全問題是否應置於所有民族主義、經濟理由之上？管理一個地方，市民的安全不是最首要的嗎？
所以，反對自駕遊。不單反對內地車來港，也反對香港車北上。不為什麼，不是什麼中港矛盾、蝗蟲與狗，只是最基本的原因：安全。url

民建聯撐自駕遊前唔該申報利益

Posted on February 9, 2012 by martinoei 黃世澤

文匯報：民建聯中常委 深圳試車樂
民建聯有人喺深圳開租車公司，分分鐘有唔少民建聯黨員，有可能喺日後開放中國南向自駕遊裡面得益，唔怪得賣港唔眨眼。唔該民建聯中人，全部利益申報晒先，呢班hihi為咗搵銀，真係當香港人嘅安全係泥嚟。

梁振英已經玩完(轉載)

Posted on February 8, 2012 by martinoei 黃世澤

特區政府新聞公報：政府回應有關西九龍填海區概念規劃比賽查詢
「梁先生於二○○二年二月二十五日申報，據他所知，在他的直系親屬或僱員、與其有僱傭合約或在有關專業上與其有密切連繫或夥伴關係的人士中，並無任何人士參加了是項比賽，而他亦非任何公司的董事或主要股東。
　　隨後兩天（二月二十六日及二十七日），評審團進行了評審工作，並就參賽作品投票選出冠軍、亞軍和三個優異獎。梁先生有份參與評審（包括投票）過程。
在投票程序完成後，比賽小組發現入圍名單中其中一個參賽隊伍的成員疑與梁先生有關連。
　　翌日（二月二十八日）在公布比賽結果前，比賽小組知會了梁先生上述發現。梁先生於當天早上向評審團報告有關事宜，評審團亦決定按照比賽守則，取消所涉及的參賽隊伍資格。比賽結果於同日下午公布。」
政府好少咁發新聞稿，但隨住薄熙來嘅失勢，風格類似嘅梁振英，亦被曾蔭權親自出手處理。咁嘅新聞公報下，除非土共有人想賭薄熙來鹹魚翻生，否則我相信無乜人咁夠薑，走去提名梁振英，換言之梁振英唔會夠票入閘。就算勉強被佢搏入閘，支持佢啲友仔，處境隨時比泛民更牙煙。
呢啲就係中共式，刀刀見骨嘅政治遊戲。而且呢鋪唔係結束，只係開始。由於唐英年條友起個勢太弱，所以梁振英同埋董建華相連啲友仔，會逐個攞出嚟清算責任，好戲連場。呢種清場，係要為唐英年上台政治穩定性殺出血路，所以種票案發展亦會好好睇。
當然梁振英會唔會出啲爛渣招玩嘢，好睇薄熙來嚟重慶，究竟想點，薄熙來如果玩啲膠嘢，梁振英有樣學樣一啲唔奇。所以大家要考慮仲有一個可能性，北京 俾泛民何俊仁入閘其中一個原因，如果中共權鬥兩敗俱傷，屍橫遍野嘅話，明知何俊仁係支聯會常委都可能要接受，因為佢係睇落中立。
分析香港特首選舉好似分析黑幫開片咁，認真悲哀。
url

無恥的矮化香港人手段 (轉載)

近期中港矛盾的爭吵的確越演越烈, 網上日日搵刀互劈, 戰況响前一篇鬧爆「序言書室」老細李達寧嘅文章內大致提過
文中提到曾經有所謂左翼份子提出「「香港人大多數都是移民, 要滅蝗先要滅自己」的講法, 目的不過就是將香港人與大陸人同化。戰事更演化到批評「香港人優越論」在搞分化, 但事實上所謂本土派只有強調「基於歷史因素, 就是中港有別」, 從沒有指出「香港人係高質素啲」, 只是所謂「文明程度」問題就給大一統膠上網上線。

這場爭拗不單在網上, 傳統傳媒一樣打到開巷之餘, 部份客觀上認為被中共成功統戰收編嘅傳媒, 也一樣使出如斯的手法
《明報》(新浪香港) 2012-02-07 加國招搖犯眾憎 香港人被視黃禍
明報呢份報張, 以前的報導立場的確算是比較中肯, 但97後變得怎麼樣, 就是被網民戲謔「日月神報」該可心神領會

明報呢段報導所講「香港人俾當地人鬧到仆街」的而且確真係事實, 因為在下仲好記得呢類消息係流傳返嚟香港, 而當時係有報紙雜誌報導。
但唔知係史祖泰有心定張劍波刻意, 成個故事只係講咗一半, 無講後半
搞到成篇報導出嚟嘅效果就係「你哋鬧乜撚嘢大陸人係蝗蟲唧, 想當年你哋班港燦去到美國加拿大澳洲咪又係咁樣俾人屌」
同班大一統膠嘅「要滅蝗先要滅自己」簡直如出一徹

事實上, 「後半」正是重點所在 ── 當消息流傳到返香港之後, 坊間同輿論嘅反應就係
「你哋移民咗過去嗰邊就入鄉隨俗, 守返當地嘅規矩啦」
移居當地嘅香港人亦好快醒水, 唔再起「怪獸屋」, 唔再打通宵麻雀(或者做好啲隔音), 唔响搭車時剪指甲, 唔再唔理社區事務......

但如果寫埋呢個後半部出嚟, 點玩「矮化」香港人以打倒「蝗蟲論」吖
url

已經到臨界點 (轉載)

Posted on February 7, 2012 by martinoei 黃世澤

我諗用臨界點呢個字做題果陣，猶疑好耐，但有兩件事，我諗好難避免要用呢個字。因為依家嘅情況，香港要準備係可能好似1965年嘅新加坡咁，匆忙改變自身地位，仲要依家由政府到泛民成班友都係無人駕駛。
頭條日報：網民「亂扣帽子」 跑手廁所要防蝗？
「 嶺南大學公共管治研究部主任李彭廣就話，呢「亂扣帽子」的行為已經表達部份港人的不滿，仇視情緒逐步升級，但而家無論點呼籲香港人冷靜，唔好敵視同胞 都係無用，因為仇視根源係香港公共資源分配不均，港人甚至覺得被「霸佔」，一日政府唔正視問題，中港矛盾或會繼續加深。」
李彭廣無小弟咁大口，連李彭廣都咁講果陣，或容小弟咁講，小弟喺去年12月到今年1月嘅評估，已經全部中晒，甚至over，得兩個方法解決，一係有事搞到打鑊甘，一係就係1965年8月9日，新馬分家嘅方式，香港離開。
本來小弟都評估打鑊甘嘅可能性，但今年呢件事，我認為中共分分鐘主要俾香港離開，以保自己小命。

重慶公安局局長王立軍，同薄熙來鬥過你死我活唔係奇事，但喺藏區開片開到七彩果陣，佢條友都要搞到緊急尋求美國政治庇護都失敗，如果你係中國高官係會點諗？
所以依家有兩個可能性：
1. 中國可能有官員主動兵變，然後全國開大片，到時香港三百萬BNO即刻觸動BNA 1981嘅計時炸彈條款變咗BC。
2. 有人喺香港搞屎，然後方便個別人等宣布香港獨立，然後庇護部分官員。當然，又係即中計時炸彈條款。
中國官員入美國領使館唔得果陣，不單會令更多中國官員加緊同美國或其他西方國家聯繫，方便走佬（甚至會做汪精衛），另一方面，香港既然有隻大計時炸彈，不如引爆咗佢，總之走甩就掂，反正人人攬炒。
依家乜膠都可以發生，仲會隨時發生，唔好話我無提醒大家。
url